كلمات شيلة درس الحياة

في مدرسة دنياي علمني الوقت
ودرس الحياة اللي كتبني قريته
الطيب درب اليا مشيته توفقت
ويعثرك درب الردى لا مشيته
بيتا كتبته مختصر فيه وثقت
معنى الشهامه مثل سهم ورميته
رجلا ليا من جيت عندة تضايقت
ورجلا ليا منك تضايقت جيته
غربت في عمري تجارب وشرقت
ولا فيه حزم من الحزن ما رقيته
صوتي صدى حلما ومن الحلم ما فقت
والشعر ليل ارتاح به لا سريته
وعلى قلوب اللي تهقويتهم وقت
وكم قلب لي به جرح ابد ما هقيته
خوي عليه كبار الامال علقت
وقريب يوم ابطى علي احتريته
يا صاحبي من كثر انا ما تذوقت
خذهت من اللي لابغيته لقيته
يناسك من حبيته وبه تعلقت
ويذكرك من حبك ورحت ونسيته