السلام عليكم
شخباركم ياأحلى أعضاء …
انشاالله بخير
اليوم جايبة لكم قصة عجييييييييييييبة رومانسية وحلوة وبتكون على شكل حلقات
واتمنى انها تنال اعجابكم وماراح اواصل النقل الا لما اشوف منكم تفاعل
ونبدا ……………..
قصه حب بمنتهى الروعه وطبعا قصه خياليه وقصه حب جميله جدا انصح الكل يقراها ..والقصه للامانه كاتبتها بنت
ولقبها ( فاتـــنة دبـــي)
واللي يبى ينقل القصه يكتب اسم الكاتبه امانه في رقبته لأن حرام الكاتبه تعبت كثير في كتابة القصه ..
واتمنى التثبيت
الجــــــــــــــزء الاول:
كانت ساره دلوعه اهله والكل يحبها وكانت تتمتع بجمال الصفات من جمال واخلاق طيبه وذكاء واما جمالها فخلوه على جنب لانها صدق كانت قمر ..كل اللي يشوفها ينجن على جمالها .. وهي عمرها 19 سنه يعني في اول سنه جامعه وعندها صديقه روح بالروح معاهاوهي اسمه ريم لان ساره كانت وحيده فعشان كذا تعتبر ريم اختها وصديقتها وكل شي ..
ونبدا القصه :
ام ساره : حبيبتي سارونه وينك ساره
ساره : هلا يمه انا بغرفتي
طلعت ساره من غرفتها عشان تشوف امها وش تبي
ام ساره: وينك ساره من متى اناديك حبيبتي
ساره : يمه كنت اكلم ريم صديقتي .
ام ساره : وتضحك والله اني اغار من هالريم . كل وقتك معاها
وضحكت ساره وحضنت امها وقالت : محد مثلك ياأ حلى واروع ام بالعالم ..
ام ساره : يالله خلي عنك هالكلام : أقول حبيبتي سارونه لاتنسين عزيمه خالتك لنجاح بنته نوره من الثانويه
ساره : اكيد يمه ماني ناسيه افا وانا اقدر انسى نجاح نوره .
وراحت ساره واتلبست ولبست احلى ما عندها واتمكيجت بمكياج خفيف وبسيط
ام ساره : دخلت على ساره تشوفها خلصت ولا لأ
وشافت ام ساره ساره بجمالها وكشختها وقالت لها : ماشاء الله عليك يا بنتي طالعه مثل القمر اقري على عمرك يا بنتي اخاف يحسدونك
ساره وهي مبتسمه : على وشو يحسدوني يمه
ام ساره : سارونه بلا حركات تعرفين انك حلوه والكل يمدح فيك من صغرك
ساره :” اكيد لاني طالعه على امي حبيبة عمري
صدقها الام لان ساره مهوب بس حلوه بل فاااااتنه.. شعرها البني على العسلي وعيونها العسليات الحلوات الوساع اللي كانها عيون الغزال وجسمها كان صدق متناسق كانها عارضه أزياء .
ام ساره: يالله خلي عنك هالكلام ويالله نروح تاخرنا السواق يسنانا في السياره
وراحو كلهم العزيمه
وكانت ساره احلاهم
وجت ساره وسلمت على بنت خالتها نوره وباركتلها على نجاحها
نوره : زين جيتي وش هالتاخير كله ؟
ساره : بعد تعرفيني يوم اختار بدله ولبس كيف اتاخر
نوره : بس ماشاء عليك طالعه قمر .. غطيتي علي ..
وضحكت ساره
وقالتلها ساره: محد يغطي على رقه وحلاة بنت خالتي نوره
وجت من وراهم هند اللي هي بعد بنت خالتها يعني اخت نوره وهند اكبر من ساره بسنتين وهند تغار من ساروه كثير لانها احلاهم ولان الكل يحبها ويحترمها
جت هند وقالت لها موب من خاطرها ” هلا ساره
ساره: هلا ببنت خالتي هند وش اخبارك واخبار الدوام
هند : اكيد تمام
وراحت عنها هند
ساره وهي مستغربه : وش بلاهاهند ليش متضايقه؟
نوره : لا حبيبتي هند ما فيها شي بس تعرفين كيف تفكر وهي تعرفينها من صغرها تغار منك
ساره : ليش تغار ..؟ هند حلوه وزينه
نوره : بعد تعرفين البنات وغيرتهم
المهم خلصت الحفله والاغلبيه راحو البيت الا ساره وامها
وكانو يتكلمون ويضحكون وفجاه دخل ولد خالتها اللي هو اخوهم خالد
خالد كان اكبر اخوانه وكان طيب وخلوق ووسيم وكل البنات منهبلين عليه ويستنون نظره منه بس هو قلبه مب ملك أحــد غير (ســــاره ).
بعد ومن صغره كان متيم في ساره موب بس متيم بل يموت فيها : ودخل وفجاه شاف ساره .. وكان يشوفها بنظرات وحب ويقول في خاطره : ساره هناواخيرا وينكيا نبض قلبي وينك عني
والكل لاحظ نظراته
ونوره قالت : الناس يسلمون يا خالد
ام خالد : وين وصلت يا خالد
هند اختهم : هه هه هه اكيد عيونه على حبيبته ساره . وكانت هند تشوف ساره بنظرات كلها غيره
وساره استحت واحمرت ونزلت راسها .
خالد بعد استحى ودعى على هند في خاطره
خالد ” السلام عليكم وشخبارك ساره
ساره : الله يعافيك خالد انت وش اخبارك .
ام ساره : بس ساره وحنا وين رحنا
ضحكو كلهم على خالد لان ما كان يشوف الا ساره
وخالد أبد ما كان يتكلم لانه بس يبي يشوف حبيبته ساره .
وقالها وهو يشوفها من فوق لين تحت.
خالد : ماشاء الله عليك يا بنت خالتي طالعه اليوم ملاك .
ساره صدق وجها محمر : عيونك الاحلى بس عاد لا تبالغ
خالد : وربي ما ابالغ المجنون اذا شاف جمالج راح يصحى (كثر منها)
نوره : أجل خل نودي ساره مستشفى المجانين عشان كلهم يصحون ويصيرون زينين .
وهنا الكل قعد يضحك
بس خالد كان تفكيره كله في ساره .
ام ساره ” يالله عن اذنكم بنروح البيت الوقت تاخر
ام خالد : وين تو الناس تونا ما شبعنا منكم
ام ساره : الود ودنا نقعد لين الفجر بس ما يصير
ساره : اكيد القعده معاكم ما تنمل يا خالتي
كلهم وقفو وراحو يسلمون علشان يطلعون وبعد ما وصلت ساره عند خالد
. وهي منزله راسها : مع السلامه ياخالد
خالد وعيونه على ساره : مع السلامه يا القمر اووووه قصدي يا ساره
وعلى طول ساره طلعت لانها صدق استحت وما تعرف كيف ترد على كلمات خالد العذبه .
وبعد ما وصلت ساره البيت
كانت تفكر في ولد خالتها خالد ونظراته وكلماته الساحره .
اما خالد فكان هاليوم احلى يوم عنده وفرحان لان شاف حبيبته ساره
لان من هو صغير يحبها ..وراح عند امه باخرالليل
وراح يدق الباب على غرفه امه
خالد : يمه .. يمه ..افتحي الباب
ام خالد: مستغربه : خالدوشفيك وين يعورك وش فيهم خواتك ..؟
خالد : باسم الله عليك يمه ما فينا شي
ام خالد : اجل ليش جاي هالوقت تعرف الساعه كم
خالد : ايه الساعه 2 ونص بالليل وشو يعني .. المهم يمه الله يخليك ابي اقولك شي
ام خالد: فتحت الباب وهي مستغربه من خالد وتشوفه بنظرات غريبه
ام خالد : قل اللي عندك يا خالد وش بك ؟
خالد : يمه تعرفين اني احب ساره بنت خالتي من صغري وجا هالوقت اللي تخطبينها لي يمه اخاف احد ياخذها مني واذا احدا خذها بموت يا يمه تعرفين وش يعني بموووووووت .
ام خالد وهي تضحك على خالد :باسم الله عليك من الموت يا خالد
الله ياخذ بليسك يا خالد مقومنا من النوم هالوقت علشان هالسالفه .. لا تخاف ساره ان شاء الله ماراح تكون الا لك
خالد: ابيك تكلمين امها بكره اوكي
ام خالد : خلاص .
اذا تبغون تعرفون الأحداث تابع الأجزاء الجايه
سلام
الجزء الثاني:
وفي اليوم الثاني قامت ساره وراحت عند امها
ساره : صباح الخير يا أحلى واغلى ام بالعالم
ام ساره وهي مبتسمه : صباح النور يا احلى ساره او قمر على قولت خالد وقعدت الام تضحك ..
ساره وهي منحرجه : يمه عاد ليش تضحكين لا تعلقين على كلام خالد ولا هو كذب يوم قالي قمر
الام : هههههه لا يا بنتي ما اضحك على كلامه بس اضحك على حبه صدق عيال هالايام حبهم غير.
ووصارت ساره تضحك على كلام امها .
وفجأه رن موبايل ساره :
ساره : الو
ريم صديقتها : هلا سارونه هلا بصديقه عمري
ساره : هلا وغلا بالغاليه
ريم : وش اخبارك ؟؟ وينك البارحه ما عبرتينا ولا دقيتي علي تعرفيني ما اقدر على بعدك
ساره: كنا معزومين على نجاح نوره بنت خالتي .
ريم : هاااااااااا اشوف بعض الناس ما عبرونا لازم اكيد شافو الحبيب حبيب الألب.
ساره : بسك عاد لا تذكريني .ترى اخاف اسرح فيه
ريم : يا ويلي على الحب ..
ساره وهي مستحيه : احم احم
ريم : سارونه حبيبتي تعالي اليوم بيتنا بنتغدى وبعدين بنروح الفيصليه علشان نشري اوكي
ساره : اوكي بس غريبه وش تبين تشرين وليش؟
ريم : يعني محد يروح السوق الا اذا فيه مناسبه
ساره : لا بس مستغربه مهوب من عوايدك قولي ريم وش عندك
ريم : امممممممممممممم الصراحه ابي اشتري اشياء عشان اخوي اللي يسوى عندي كل شي اخوي فهـــــد
ساره : فهد ؟(وعلامه تعجب بوجها) ..
سراه : بس فهد مسافر عشان الدراسه
ريم : حبيبتي فهد خلص الدراسه يا صباح الخير لا انتي داريه لا بي ولا في اخوي
ساره : وانا وش دراني باخوك اصلا انا ما شفته ولا مره
ريم : يالله بسك كلام تعالي بيتنا الحين سمعتي ألحيـــــــــــــــن .
ساره : زين باسم الله وش فيك محرجه خلاص الحين بقول لأمي
ريم : استناك بسرعه لا تتأخرين
ساره : اوكي يالله باااااي
ريم : بااياااااات
ساره : يمه الحين بروح عند ريم ممكن ولا ؟
ام ساره : الحين افا يعني محد بيتغدى معي
ساره : يمه اسفه بس ريم تستناني
الام ونبرت حزن : تعرفين يا ساره انا ما ابي اخرب على طلعاتك بس مثل ما تعرفين اني مالي غيرك بحياتي . ابوك الله يرحمه توفى من خمس سنين يوم جتله نوبه قلبيه لان كان فيه القلب وانا ما جبت غيرك وما عندي الا انتي واذا صار لك شي وقعدت تصيح الام ..
ساره والدمعه بعيونها : يمه انا بكون عندك لاخر حياتي لا تصيحين يا يمه انا بكون معك بس الله يخليك ما ابي اشوف دمعه بعيونك ترى دموعك غاليه
الام( وهي تمسح دموعها) : اسمحيلي يا بنتي ما كنت ابي اضايقك في هالوقت بس تذكرت ابوك ..
ساره : في حد ما يتذكر ابوي .. اصلا ابوي كان دوم يوصيني عليك يا يمه.. وانا ما راح اخليك
.وراحت ساره وحضنت امها
ام ساره : يالله يا بنتي روحي عند ريم تستناك البنت .
ساره : لا خلاص بقعد معك
ام ساره : لا يا بنتي انا بروح عند خالتك فاطمه وانتي روحي عند ريم
ساره : اذا بتروحين بيت خالتي فاطمه خلاص يعني مطمنه عليك الحين اقدر اروح .
وراحت ساره ولبست بسرعه وراحت بيت ريم صديقتها
اما ام ساره فراحت عند اختها فاطمه
ام ساره وهي داخله بيت اختها
ام ساره : السلام عليكم
فاطمه اختها وبناتها نوره وهند وخالد: وعليكم السلام يا هلا والله
(اما خالد عيونه على الباب وفي خاطره يقول وينها وينها حبيبة العمر) .
نوره : خالتو وين ساره ؟ليش ما جت معك
ام ساره : ساره يا غناتي راحت عند ريم صديقتها
خالد وهو متضايق ويقول في خاطره ( هذا وقته تروحين هناك )
خالد : يعني خالتو هي بتروح ومهيب جايه بعدين هنا
ام ساره : والله ما ادري يا ولدي هي قالت بتروح معريم وبعدين بيروحون يتسوقون
هند وهي رافعه خشمها : بعد تروح السوق مع صديقتهاولحالهم بعد
ام ساره : ما فيها شي يا بنتي هي ما راحت مكان غلط
ثانيا بنتي تروح مع بنت محترمه وساره ما تطلع الابغدفتهوعباتها.
خالد : ثانيا يا هند لا تدخلين
نوره : لازم يدافع عنها
وخالد يشوفها من طرف عينه : نوووووروووه بتسكتين عني ولا شلون ؟
خالد صدق كان معصب علشان كلام هند ولان ماشاف ساره
نوره : لا لا الله يخليك ما فيه على حشرتك خلاص سكتنا.
أما ساره فهي كانت بيت اهل ريم
ريم وهي معصبه : سارونه ليش تأخرتي ..
ساره : اسمحيلي يا ريماني بس امي كانت تصيح وما قدرت اروح عنها لين ما اواسيها .
ريم (وبويها علامه تعجب): “:ليش تصيح ؟
ساره ونبره صوتها كلها حزن : تصيح على الوالد اللي راح .
ريم : الله يرحمه .اذا انتو كذا تقولون ومتضايقين هالكثر اجل انا وش اقول .. وراحت ريم وجلست على الكرسي وهي ميته صياح .
ساره وهي خايفه على صديقتها : ريم ريم وش فيك ليش كل هالدموع
(ريم وعيونها كلها حزن ودموع )
ريم : اصيح اصيح يا ساره لان ييتيييييمه تعرفين وش يعني يتيييمه على الاقل انتي عندك امك الله يخليها بس انا انا انا ؟ وقعدت تصيح
ساره : انتي وشو يا ريم عندك عمتك الله يخليها اللي ما تقصر معاكم عندك اخوك فهد .
ريم: محد يا ساره يقدر يا خذ مكانه الوالدين انا فقدت امي يوم كان عمري ست سنين امي راااااحت بمرض السرطان وما حسيت بحنانها يا ساره وابوي من كثر ما هو متعلق بامي كان يسرع مثل المجانين وهو بعد مات بالحادث وفقدتهم كلهم بنفس اليوم .. ااااااااه يا ساره ما تعرفين كيف اتالم ما حسيت بحنانهم ..
ساره وعيونها تدمع على صديقتهاا : بس يا ريم عندك اخوج فهد الله يخليه لك.
ريم وتشوف ساره وعيونها محمره من الصياح : فهد .. ههههههههههههه وشو انتي تنكتين فهد . فهد فهد؟؟
فهد يا ساره هو نص ميت .فهد يا ساره كان اكثر واحد متعلق بأمي الله يرحمها كان يموت فيها ويوم فقدته صار له مرض نفسي لانه كان محتاج لحنانها وبعد ما خلص الثانويه سافر وكمل دراسته بره عشان شوي ينسى .فهد يا ساره اكثر واحد متعذب بس وش اقول انا .. ما عندنااحد يا ساره ما عندنا احد ..وراحت حضنت ساره وهي تصيح
ساره وهي بعد تصيح : ريم انا معك انا اختك وامي هي امك يا ريم .بس الله يخليك لا تصيحين اطلبيهم الرحمه هذا قضاء الله وقدره .
مسحت ريم دموعها وقالت لساره : اسمحيلي يا ساره جبتكهناوزدت همومك.
ساره : افا عليج يا ريمان .. اذا ما تشتكينلي انا بتشتكين لمين ؟. انا يا ريم وربي اعتبرك اختي وحبيبتي وصديقة عمري
مسكت ريم يد ساره وقالتلها : الله لا يحرمنا من بعض
ويالله نروح نتغدى تراني ميته جوووع .
واما في بنت فاطمه خالة ساره :
ام ساره : يالله اسمحولي بروح البيت .
فاطمه : تو الناس يا اختي
ام ساره : أي تو الناس الحين الساعه 8 بروح اكيد حبيبتي ساره بالبيت .يالله من اذنكم .
نوره : بحفظ الله يا خالتي وسلميلي على ساره كثير السلام
هند : (وهي تشوف اخوها من فوق لتحت ): وانت يا اخوي ما تبي تسلم على حبيبة القلب
خالد وهو منقهر : مالك خص .
ودخل غرفته لان كان منقهر كثير لان ساره ما جت اليوم .
والساعه 11 مساء:
ام ساره : ها ساره ان شاء الله استانستي
ساره : اكيد يمه استانست كثير
ام ساره : ايه تذكرت بنات خالتك يسلمون عليك .
ساره :الله يسلمهم .. امممممممم اكيد الحين معصبين علي لاني ما رحتلهم
ام ساره : اكثر واااحد منقهر هو فار س الاحلام خالد.
وقعدت الام تشوف ساره من طرف عينها وهي تبتسم
وساره (وهي منزله راسها) .. ها وشو أي أي أي أي خالد خالد
ام ساره وهي تضحك ” وش فيك قاعده تقولين حروف الهجاء
وقعدوا يضحكون .
ام خالد راحت عند ولدها تشوفه لان من راحت ام ساره وهو ما طلع من غرفته :
ام خالد : خالد خالد انت قايم ولا نايم
خالد وهو منسدح على السرير: هلا يمه لا قايم تفضلي
ام خالد : وش بلاك يا ولدي وشفيك ليش متضايق ؟
خالد ” ما تبيني اتضايق وانا قايلك تكلمين خالتي سعاد .
ام خالد وهي تستعبط : أي سعاد ؟
خالد : يمه الله يخليك لا تستعبطين يعني مين سعاد تراك ما عندك الا اخت وحده سعاد ..
ام خالد :: اهااااااااااااه قول ام حبيبة عمري ام القمر ام قلبي ساره
خالد ويشوف امه وهو يضحك ” ايه ام حبيبتي ساره
ام خالد : شوف خالد انا كنت بكلمها اليوم بس شفت الوقت مهوب مناسب لان الكل قاعد معنا بس اوعدك عن قريب بكلمها ولا تزعل يا خلودي .
خالد : اكيد يمه .. الله يخليك بسرعه كلميها
ام خالد : يالله عليك وش كثر حناااااان قلت لك خلاص بكلمها يالله خلني اروح انام لاني تعبانه اليوم
خالد وهو في نفسه يقول (:ااااااااااااااااه يا يمه انا اللي تعبان من الحب)
انتظروني مع الجزء الثالث وانشالله احداث احلى——————————————————————————-
مشكورين على المرور وتسلم على الطله هاوي نجد ونكملكم الجزء الثالث
الجـــزء الثــــــالـــث:
وبعد هاليوم اتصلت ريم من الصبح على ساره وساره في سابع نومه
ريم تتصل فيها
ريم : الو سارونه سارونه
ساره وهي معصبه لان مخربين نومها وبتعب تقول : الو مين؟
ريم : مين يعني انا ريموه
ساره : الله يهديك يا ريم تتصلين صباح الله خير بهالوقت
ريم : أي صباح الله خير الحين الساعه 11 قومي بسك نوم
ساره : وش تبين خلصيني والله بي نوم
ريم :ساروه اليوم حنا معزومين على بيتاهل لطوف صديقتنا وكل بنات بالمدرسه بيروحون هناك يعني وناسه .
ساره وفجأه جدعت من الوساده : والله صدق رووووعه يعني بنات المدرسه بيجتمعون صدق وناسه بنتذكر ايام المدرسه .ريم : ايه والساعه 8 نكون هناك وانا ابي اروح السوق عشان اشتري بدله حلوه لهالمناسبه لان الكل بيكون موجود ابي اتكشخ .
ساره : ليش يا حلوه ما عندك بدله يعني
ريم : لا عندي طبعا بس ابي اشتريلي بدله جديده .هاه بتجين معاي ولا ؟
ساره : اكيد بجي ومره وحده اشتريلي بعد
ريم : خلاص اجل تعالي بسرعه لا تنسين
ساره : لا حبيبتي البارحه ما تغديت مع امي حرام ما تهون علي بجي العصر وبعدين نروح اوكي .
ريم: خلاص حبيبتي اشوفك على خير بس تعالي بسرعه عشان نلحق اوكي بااااي
وسكرت ساره من ريم وراحت عند امها تستشيرها وطبعا الام وافقت .
(بيت فاطه خالة ساره )
نوره : والله احس من زمان ما شفت بنت خالتي الغاليه ساره .
هند وباستهزاااء : يعني وش من زمان من اسبوع كانت هنا .
نوره : تعرفيني متعوده عليها ولازم اشوفها
بروح اتصل فيها .
هند .: روحي روحي وانا بروح اتصل في منى
نوره : انا منى الصرراحه ما عرف ليش ما ارتاح لها احسها حركات وشايفه عمرها .
هند وهي معصبه : والله حبيبتي موب لازم ترتاحيلها اهم شي انا ارتاحلها اوكي .
نوره : اوكي اوكي عفان الله وش بلاك شبيتي علينا تقولين انتي الاكبر موب كاني اكبر منك
هند وتأشر على اصبعها : بسنه وحده اكبر يعني مافيه فرق واجد
نوره : بسنه بشهر باسبوع المهم اكبر منك.خل اروح اكلم ساره احسن من مقابله وجهك.
هند وهي منقهره : روحي روحي وانا بعد خلاروح اكلم منى احسن .
واتصلت هند في صديقتها منى . وصح كلام نوره لان منى من النوع المتكبر واجد وعليها سوالف وحركات .
هند : الو مرحبااااااااا
منى : مراحب يا هلا بهنود
هند : هلا فيك.هاه وينك
منى : ويني بعد بالبيت قاعده عالمسنجر
هند : انتي ما تملين من المسنجر
منى : لا والله وناسه بس انت لو تجربين بتعرفين ليش .
هند : وين اجرب ما عندي مسنجر واصلا ما احب الكمبيوتر.
هند : لانك ما تعرفين وش داخل الانترنت حبيبتي اذا تبين تحبين وتعيشين بالغرام اجلسي على الأنترنت والمسنجر .
هند وعلامه تعجب في وجها : والله وشلون
منى : انتي تعالي بيتنا وبعلمك كل شي .
هند : والله زين خلاص الحين بقول لأمي وبجي بيتكم اوكي
منى : اوكي يالله استناك
وطبعا هند للاسف كانت ساذجه وما تعرف صديقتها منى وش تقصد بهالكلام .
اما ريم وساره راحو يتسوقون عشان عزيمه اليوم . وهم يتسوقون فجأه شافت ولد خالتها خــــــالد ومعاه صديقه محمد .
خالد وهو مستغرب ومفتح عيونه : محمد محمد موب هاذي ساره .
محمد : أي ساره .؟
خالد : حبيبة القلب روحي وعمري قم قم خل نروح هناك
محمد : الله يعينا على الفلم الهندي
وراح خالد مع صديقه محمد وخالد عيونه على ساره :
خالد بصوت ونبرات كلها حب : انا احلم ولا اتخيل ساره موجوده ؟
ساره وهي منحرجه : هلا يا خالد شفت عاد الصدفه وش اخبارك يا ولد خالتي .
خالد وفي خاطره ( لا تقولين ولد خالتي قولي خطيبي او حبيبي: تمام يسرك الحال يا بنت خالتي .ها وش تسوون هنا
ريم ,وهي تشوفه بدلع وتقول: زين قلت وش تسوون زين جمعت قلت يمكن ما شفت غير ساره .
وهناساره ضحكت برقه : وخالد استحى وقال : لا افا عليك يا ريم وشلون انسى ريم صديقه ساره المفضله
اما محمد فماكان يتكلم ولا كلمه لانه عيونه على عيون ريم ومنهبل عليها وساكت .ريم حست بنظرات محمد واستحت واااجد اول مره احد يشوفها بهالنظرات .
ساره : وش اخبارك محمد ؟
محمد في عالم ثاني عالم ريم .
خالد : محمد محمد وين وصلت
محمد : ها ايش ايش ايش وش السالفه ؟
خالد : حنا اللي نسألك وش السالفه وين وصل تفكيرك
محمديغمزشوي شوي ويقول لخالد : معاها معاها ما تشوف كيف حلوه ورقيقه
خالد : مين
محمد : مين بعد صديقه حبيبة القلب
خالد : ريم
محمد : الله حتى اسمها حلو ريم شيخه الحريم
خالد وهو يقرص محمد : بسك فضحتنا فضحتنا .
ساره وهي مستغربه : وش بلاكم عن وشو تتكلمون
خالد : هاا لا لا ولا شي ولاشي بس محمد يقول انه جوعان بيروح ياكله شي.
ساره :ها خلاص اجل حنا نستأذن منكم عشان ما نتاخر اوكي يا خالد مع السلامه .
خالد : مع السلامه يا ساره واشوفك على خير
محمد وعيونه على ريم : مع السلامه ساره وووووو وو مع السلامه يا يا ريم .
ريم وهي منحرجه ومنزله راسها وبصوت رقيق : مع السلامه يا محمد .
وراح محمد وخالد . وفرحت خالد غير لان شاف حبيبته واما محمد فكان سرحان في ريم
ساره وهي ميته من الضحك
ريم وهي مستغربه على ساره : وش فيك ليش تضحكين ؟
ساره وهي مبتسمه : لا حبيبتي سلامتك بس تذكرت نظرات الولهان على بعض الناس .
وهناريم فهمت وش تقصد وابتسمت : تصدقين سارونه . ما عرفت ان خالد عنده صديق بهالحلاه والجمال .
ساره : طبعا لان خالد ما يمشي الا مع الحلوين مثله
ريم : خلي عنك هالكلام وقومي نكمل تسوق يالله
في بيت منى صديقه هــــــند:
منى : زين والله جيتي تعالي اقعدي عندي بوريك اشياء تهبل.
هند : والله وش هي؟
منى : شوفي انا اكلم واحد عالمسنجر بس وش يموت بي تصدقين يحبني واي شي ابي ينفذلي.
هند : وانتي تصدقين انه يحبك حبيبتي هذا اكيديكذب عليك
منى : أي يكذب علي اقولك يموت بي بس انا موب بس اكلمه بالمسنجربس اكلمه بعد بالتلفون .
هند وهي مستغربه وتشوف منى بتعجب : بالتلفون ؟ منى وشلون ترضين على عمرك تغازلين .يمكن يكذب عليك.
منى : والله انك فاضيه وش يكذب علي اقولك يحبني وينفذلي كل شي وما انام الا بكلماته الحلوه والله حياتي صارت روعه معاه ..اااااااااه والله احبه
هند وهي بعدها مستغربه : يعني صدق تحبينه يعني ما يكذب عليك.
منى : اقولك احبه وبعد بيتزوجني تخيلي تاخذين واحد عن قصه حب والله روعه بس انتي لو تجربين هالشي بتشوفين
هند : لا لا لا حبيبتي خليني بعيده عن هالسالفه ليش تبين خالد اخوي يذبحني .
منى : وهو اصلا وش عرفه .ما يعرف عن شي انتي بس طيعيني وكلمي واحد وبتشوفين كيف حياتك بتتغير؟
هند: وشلون اكلم واحد لا لا لا ما يصير
منى : يالغبيه هاذي بس فتره خطوبه بعدين هو بيتزوجك صدقيني .
هند : ها امممممممممم يتزوجني مممممممم ماعرف خليني افكر
منى : فكري يا عمري وانا بعطيك رقم صديق اللي اكلمه الحين وبتشوفين كيف حياتك بتتغيرللاحلى .
هند وهي تفكر بالسالفه : ماعرف بس بفكر .
ومنى فرحت لانها قدرت تكذب على هند اللي بسهوله كذبت عليها .
وبعد ما رجعت ساره وريم من السوق كانت الساعه تقريبا 6 مساء يعني ما تأخرو واجد وكان عندهم وقت عشان يلبسون ويتمكيجون . وساره قررت انها تلبس في بيت ريم عشان مره وحده يروحون مع بعض لان كل اغراضها كانت معاها وراحت ساره وتلبست وكان لبسها اللون الاحمراللي ياي على شكل فستان بسيط ومكياجها بسيط وحلو وفتحت شعرها العسلي وكانت صدق كانها الورده بجمالها .
أما فهد اخو ريم اللي جاي من السفر كان يبي يسوي مفاجأه لاخته ريم بقدوموه وكان يدور عليها وما لقاها وقال اكيد هي بغرفتها وهو ما يعرف ان ساره اللي بالغرفه وفجأه يوم دخل كانت ساره صاده لزاوية التسريحه يوم فهد دخل
فهد قعد يصارخ من الفرخه وقال : ريماااااااااااان مفاجأه
وصدت ساره وشافت رجال غريب ما تعرفه وهي مستحيه ما تعرف وش تسوي لانها ما كانت متغطيه لا بالغدفه ولا العبايه وفجأه سكتت ونزلت راسها وما تعرف وش تقول .
اما فهد فكانت بيده هديه ومن المفاجاه او من جمال ساره الهديه طاحت من يده تلقائيا من دون قصد وقعد ساكت وهو يطالعها ويقول في خاطره ( انا أحلم ولا وش السالفه؟ من هاذي هاذي اكيد حوريه لا أي حوريه اكيد ملاك ما شفت احد بجمالها وهو يطالعها وساكت وهي منزله راسها .
فهد بعد ما حفظ شكلها : ايييي مممممممممم اسمحيلي كنت ابي ابي ابي اختي ريم بس ما عرفت انك موجوده ؟
ساره على طول اخذت الغدفه وتغطت وهي مستحيه ووجها صدق محمر وترد برقه : لا عادي انا الغلطانه لاني ما سكرت الباب . ونزلت راسها
فهد : اسمحيلي اختي
وطلع من الغرفه وهو حاط راسه على غرفه اخته ويقول : واااااااااااااو وش هالجمال في حياتي ما شفت في جمالها .
وبعدين جت اخته ريم اللي ما كانت تعرف ان اخوها فهد موجود وهي يوم شافته
ريم فتحت عيونها وقعدت تشوفه وتصااااارخ : فهههههههااااااااااااااااااد وجلست تصيح وجت وحضنت اخوها
ريم وهي حاضنه اخوها بالحيل وتصيح وتقول : فهد وينك فهد ليش خليتني من 4 سنين بالحالي تخليت عني يا اخوي .وقعدت تصيح
وطلعت ساره من الغرفه تشوف وش سالفه هالصراخ.
فهد وهو يكلم اخته ويمسح دموعها : حبيبتي يا ريم تعرفين اني رحت اكمل دراستي .
ريم وهي تشوف اخوها بنظره حب وشوق : للدراسه ولا تهرب عشان ما تحس بمعاناة خلاص يا فهد انسى امي وابوي راحو من كم سنه لللحين محتاجها
فهد ترك يد اخته وقال وهو حزين : اااااه يا ريم محد بيحس بشوقي لامي ريم امي راحت عني وانا عمري 10 سنين وكانت بالنسبه لي كل شي ما اقدر ما اقدر بدونها اتخيلها بكل زاويه في البيت محتاج لحنانها يار يم . ودمعت عيون فهد .
اما ساره فما قدرت تتحمل على طول دمعه نزلت بعيونها .
فهد حب يغير السالفه : المهم ريومه انتي وش اخبارك .؟
ريم : والله اني شوي بخير بس الحين اكيد بخير بوجودك اخوي .
ريم وهي تشوف ساره وتبتسم
وتقولها : ساره تعالي اعرفك على اخوي .
ساره منزله راسها وجت عند ريم وفي خاطرها تقول ( هو شافني وخلص ) .
ريم: فهد اعرفك على صديقه عمري واختي ساره .
فهد وهو يشوف ساره بنظرات : هلا والله بساره تشرفت بمعرفة وحده حلوه مثلك .
ساره استحت وما قالت شي غير : تسلم عيونك الاحلى .
ساره استغربت من جرأته .
المهم بعد ما استأذنت ريم من اخوها انها بتروح للحفله مع ساره .
اخوها فهد راح عند أصدقائه اللي من مده ما شافهم .
بس بخياله بس رسمه ساره اللي صدق كان مجنون عليها وقال: قلت هي قمر قلت لا القمر ماخذ من حلاها .كيف أوصفها وهي ما تنوصف من جمالها .رسمه عيونها اللي تعذب المخاليق ولا ملامحها اللي فيها براءه الاطفال ولا خدودها اللي كانها ورود ورديه وشلون اوصفك يا ساره وشلون ؟
وفهد هو اصلا يموت على الشعرفكانت اول قصيده يكتبها لبنت .
وربعه سمعو الخاطره وقاله صديقه عبدالله : الله عليك يا فهد وش هالكلام العذب وشو اليوم جاي وتقولنا خواطر اخاف بس الاخ متعذب.
وضحك فهد وقاله : لا بس حبيت اقول خاطره لان هالخاطره مميزه عندي.