فى احد الأيام واثناء وجودى انا وزوجتى فى بيتنا فى بورسعيد ,,
رن جرس التليفون،
وكان من الواضح من رنته انه ( ترنك خارجى)
ردت زوجتى على التليفون,وسمعتها وهى تحكى مع الطرف الأخر
والذى تبين لى انها احدى قريباتها من سوريا,,,
وسمعت زوجتى وهى تتحدث بسعاده بالغه وتقول
معقوله،، الف مبروك,,وامتى جاين مصر ان شاء الله؟؟؟
انتم تشرفوا فى أى وقت ،،والله السيد هيفرح أوى
وأغلقت زوجتى التليفون ,,وعادت والإبتساااامه على وجهها
محسوبكم // خير يا زوجتى العزيزه
زوجتى // لأ أبدا,,دى واحده قريبتى بتقول انها جايه مصر
عشان هتتجوز من واحد مصرى من الإسماعيليه
محسوبكم//لألألألألأ أكيد انتى بتهزرى
زوجتى// لا والله بجد,,,,وكمان بيقولوا انهم عايزينك تتعرف على العريس
وتقابله قبل وصولهم من سوريا وعايزينك كمان تسأل عليه وعلى عائلته
محسوبكم // ايه!!!!!على أخرة الزمن هشتغل خاطبه
زوجتى // لأ يا حبيبى متخدش الموضوع كده،،،انت عارف انك
الراجل الوحيد لينا فى مصر ,,وأكيد همه عشمهم فيك كبير,,
محسوبكم // طب والراجل ده هعرفه ازاااااااااى
زوجتى// هو اللى هيتصل بيك وهيحضر الى بيتنا لكى نتعرف عليه
وبالفعل وبعد نصف الساعه أتصل بى العريس
وعرفنى عن نفسه وطلب ان يحضر الى بيتى ،،
وفى اليوم التالى حضر العريس,,,وكان شخصيه ظريييييييفه جدا
العريس // انا يا استاذ سيد أسمى ابراهيم,,وانا دكتور أسنان فى مستشفى الإسماعيليه
وكمان عندى عياده فى بيت العائله,
محسوبكم // مابلاش استاذ سيد دى يا دكتور ابراهيم,دانتا ناقص تقولى ياعمى
العريس (وهو يضحك)// خلاص نمشيها السيد,وانت كمان تقولى ابراهيم من غير دكتور
محسوبكم// طب ياعم عرفنى ازاى أتعرفت على عروستك؟؟
هو انت سافرت سوريا؟؟؟؟؟
العريس // أبدا والله,,انا عندى واحده قريبتى عايشه فى سوريا
وشافت العروسه وعجبتها,,وبعتتلى صورتها وعجبتنى,,
محسوبكم // ياراااااااااااااجل,,,,كمل كمل
العريس // وبعدين انا كمان بعتلها صورتى ..وهى كمان أعجبت بيا,,
محسوبكم // يا سلاااااااااااااااام شوفت النصييييييب
وبعد ان تعرفت عليه طلبت منه عنوانه ورقم تليفونه فى الأسماعيليه لكى اقوم بزياره له,
طبعا انتم مستغربين من ردودى عليه
((ياراااااااااااجل،،يا سلااااااااااااااااام))
مخبيش عليكم كنت أتوقع ان أرى شابا وسيما أو على الأقل شاب شيك,,,
بالرغم من انى لا تفرق معى كثيرا,ولكنى كنت أريد ان أعرف
من هو هذا الشاب الذى أوقع هذه الفتاه السوريه فى حبه
والذى لفت نظرى وبشده,,هو ان معظم أسنانه ملخبطه على الأخر ,,
وتقريبا يوجد بين كل سنه وسنه فرااااغ بحجم سنه
طبعا انا لا أعيب فى خلق الله ,,ولكنه قال انه دكتور أسنان!!!!!!!!!
على رأى المثل
((باب النجار مخلع))
وكان لى صديق يعيش فى الإسماعيليه,,أتصلت به
وأعطيته معلومات عن العريس وطلبت منه ان يسأل عليه,,وعن عائلته
وفى اليوم التالى أتصل بى صديقى من الإسماعيليه ,,
محسوبكم // ايه الأخبار طمنى يا علاء
يتبع فى الحلقه القادمه ان شاء الله