قصة أغرب من الخيال

مرة واحد صاحبى شاف بنت زى القمر فى الشارع فضل يمشى وراها لغاية ما وصلت بيتها وطلع وراها لغاية ما وصلت شقتها وهوا نازل البواب شافه وشك فى أمره وحصلت ما بينهم خناقة كبيرة وكانت هتوصل الخناقة دى لقسم الشرطة وصاحبى علشان يخرج نفسه من الورطة دى قال للبواب أنا كنت ماشى ورا بنت زى القمر ونفسى أعرف ساكنه فين علشان أجيب أهلى وأتقدم ليها فالبواب أرتاح من كلام صاحبى وأعتذر البواب لصاحبى والبواب أخد صاحبى وطلع بيه عند شقة البنت القمر علشان يخلى الشاب يقابل أبوها وبكده البواب وفق راسين فى الحلال وقابل صاحبى أبوها وطلب ميعاد علشان يجيب أهله علشان يتقدم رسمى لبنته وأخد ميعاد ونزل صاحبى من بيت البنت اللى زى القمر وأعلن توبته لله أنه مش هيمشى ورا بنت تانى فى الشارع وحمد ربنا أنه خرج من الورطة اللى أتحط فيها بنجاح وعدت أيام كتيرة وبالصدفة صاحبى ده أتعرف على بنت زى القمر وحصل ما بينهم قصة حب ملتهبة ومبقاش ينفع خالص يعيش من غيرها وهيا كمان وقرر يتجوزها وراح يقابل والدها وطلع والدها هوا والد البنت اللى مشى وراها قبل كده وطلعت اللى حبها أخت البنت اللى زى القمر اللى مشى وراها قبل كده وأبو البنت لما شاف صاحبى ضربه بالقلم ونزل من عند شركة والد البنت اللى زى القمر وقرر أنه مش هيعرف بنات تانى وهيتوب إلى الله وهيصلى وعدت سنين وقرر صاحبى يسافر بره مصر وهوا فى المطار شاف بالصدفة البنت اللى عاكسها وأختها اللى حبها بيحجزوا على نفس الطائرة اللى هيسافر فيها ولغى سفره وركب عربيته وهوا فى طريقه أتعرض لحادث بشع ومات .

أنتهت القصة