قصة ألحقونى وردتى راحت منى

فى يوم من الأيام أنا روحت بستان فى حديقة جميلة وشفت هناك وردة رقيقة وقربت منها ولمستها بأيدى ولقيت قد أيه هيا ناعمة ورقيقة ومن نعومتها قررت أقطفها لكن الوردة اللى معاها قالتلى بصوت ناعم ورقيق دى أختى وميصحش عليك تقطفها قدامى لو سمحت أبعد عنها وروح وتعال من تانى بكرة وشوفها براحتك وكلمها وقولها غنوة رقيقة وأنا أوعدك أوصيها عليك وأقول فيك أشعار حلوة أنك إنسان جميل جمال وسمعت الكلام وروحت بيتى وقولت لأمى شفت وردة جميلة وكان نفسى تشوفيها معايا النهاردة بس مش مشكلة نروح بكرة وتشوفيها معايا ولو عجبتك أقنعيها أنتى أقطفها وناخدها ونحطها فى بيتنا تنورنا فى كل وقت وردت ماما وقالتلى بلاش قطف يا حبيبى خليها فى مكانها لغاية ما نعرف أصلها وحكايتها وبعدين أقطفها وسمعت الكلام ونمت وحلمت بيها وقولت فيها أشعار كتيرة أنى بحبها وحبتها من أول نظرة وحياة عنيا وصحيت تانى يوم وروحت ويا ماما البستان علشان نشوف الوردة الجميلة لكن للأسف وردتى حد قطفها وأخدها وكلمت أختها الوردة اللى جنبها وعاتبتها عتاب قاسى وشديد أزاى وردتى تتقطف قدامك قالتلى معلش يا جميل ملكش نصيب فيها أخدها إنسان معندهوش ولا دم ولا دين قطفها غصب عنها وحسبنا الله ونعم الوكيل فى اللى زيه .

أنتهت القصة